कछुवाको पेटबाट निकालियो ९ सय १५ सिक्का

कछुवाको पेटबाट निकालियो ९ सय १५ सिक्का

थाइल्याण्डको समुद्री किनारामा एउटा कछुवा भेटियो । कछुवाको अवस्था निकै गम्भीर थियो । उसलाई तत्कालै उपचारका लागि पशु चिकित्सककहाँ लगियो ।
पशु अस्पतालमा उसको सिटी स्क्यान गरियो । सिटी स्क्यानका क्रममा उसको पेटमा जे फेला पर्यो त्यो देख्दा डाक्टरहरु पनि अचम्ममा परे ।
वास्तवमा उक्त कछुवाको पेटमा ठूलो मात्रामा सिक्का भरिएको पाइयो । पछि शल्यक्रिया गरेर पेटबाट सिक्का निकाल्दा सिक्काको संख्या ९ सय १५ थियो ।
सिक्काको वजनकै कारण कछुवाको पेट फुुलिँदा सबै जिउ नै फुलिएको थियो । कछुवालाई पेट तथा फोक्सो समेतमा संक्रमण फैलिएको रहेछ । सिक्का मात्र होइन कछुवाको पेटमा माछा मार्ने हुक पनि फेला पर्यो । धन्न सही समयमा उपचार पाउनाले उसको ज्यान जोगियो ।

Share This: